அம்மன் பாடல் வரிகள்

அணுவிற்குள் அணுவும் நீ அண்டங்கள் அனைத்தும் நீ
ஆள்கின்ற அரசியும் நீ
கணுவிற்குள் கணுவும் நீ கரும்புக்குள் சுவையும் நீ
கருணைக்கு எல்லையும் நீ
விண்ணும் நீ மண்ணும் நீ விகசிக்கும் ஒளியும் நீ
வேதத்தின் மூலமும் நீ
பண்ணும் நீ பனுவல் நீ புலவர்க்கு பொருளும் நீ
பாருக்கு அன்னையும் நீ
அகிலம் எல்லாம் போற்றும் அகிலாண்ட நாயகியே
அன்புவடி வான உமையே
அன்னையே சிவகாமி அம்மையே எனை ஈன்ற
ஆதிசிவ சக்தி தாயே!

கன்றுக்கு பசுவாக குன்றுக்கு ஒளியாக
என்றைக்கு நீ வருவாய்?
மன்றாடும் பிள்ளைக்கு குன்றாத அன்பதனை
என்றைக்கு நீ தருவாய்?
மண்ணுக்கு மழையாக விண்ணுக்கு நிலவாக
என்றைக்கு நீ வருவாய்?
கண்ணுக்குள் ஒளியாக நெஞ்சுக்குள் சுடராக
என்றைக்கு நீ ஒளிர்வாய்?
இருளுக்குள் அகப்பட்டு பலவாறு வதைபட்டு
ஒளிஉன்னைத் தேடி வந்தேன்
அன்னையே சிவகாமி அம்மையே எனை ஈன்ற
ஆதிசிவ சக்தி தாயே!

விழியுண்டு ஒளியில்லை இருளுண்டு விளக்கில்லை
வழிகாட்ட நீ வருவாய்
விதியுண்டு கதியில்லை மருளுண்டு தெளிவில்லை
மருள்நீக்க நீ வருவாய்
நதியுண்டு நீரில்லை நிலமுண்டு பயிரில்லை
வளம்சேர்க்க நீ வருவாய்
சதிசெய்யும் மதியுண்டு மதிசெய்யும் வலியுண்டு
வலிதீர்க்க நீ வருவாய்
கதியென்று யாருண்டு உனையன்றி எவருண்டு
காப்பாற்ற நீ வருவாய்
அன்னையே சிவகாமி அம்மையே எனை ஈன்ற
ஆதிசிவ சக்தி தாயே!

வேரற்ற மரமாகி வீழ்ந்து விட்டேன் அம்மா
வேராக நீ வருவாய்
நோயுற்ற உயிராகி நொந்து விட்டேன் அம்மா
மருந்தாக நீ வருவாய்
பாதையற்ற வழியில் பயணிக் கின்றேனம்மா
பாதையாய் நீ வருவாய்
நாதியற் றிவ்வுலகில் நலிந்து விட்டேனம்மா
நலம்செய்ய நீ வருவாய்
பேதையென் குரல் கேட்டும் பேசாமலிருப்பதுவும்
தாயுனக் கழகுதானோ?
அன்னையே சிவகாமி அம்மையே எனை ஈன்ற
ஆதிசிவ சக்தி தாயே!

ஏதொன்றும் அறியாமல் நான்செய்த பிழையாவும்
பொறுத்தருள வேண்டுமம்மா
தீதென்று அறியாமல் தீவினையில் வீழ்ந்தஎன்னை
காத்தருள வேண்டுமம்மா
அகிலங்கள் அனைத்துக்கும் அன்னையே உன்னையே
சரணென்று பணிந்து விட்டேன்
ஆகாய கங்கையென பொங்கிவரும் உன்கருணை
மழைநனைய வந்து விட்டேன்
நொடியு மகலாதஅன்பை யுந்தன்திரு வடிகளிலே
தந்தெனக்கு அருளிடு வாய்
அன்னையே சிவகாமி அம்மையே எனை ஈன்ற
ஆதிசிவ சக்தி தாயே!

========================================================================

மாகாளி ஸ்ரீகாளி தஷிணக் காளி
தஞ்சமென் றுனைப்பணிந்தேன்
இக்கணம் வாடி!

ஓங்காரி ரீங்காரி உஜ்ஜயினிக் காளி
ஓடோடி வந்தேன்நான்
உன்நிழல் தேடி!

இருள்நிறம் கொண்டிருக்கும் கருநிறக் காளி
அருள்எனும் ஒளியேற்றி
மருள்நீக்க வாடி!

விரிந்திருக்கும் விழியிரண்டும் சிவந்திருக்கும் காளி
பரிந்தென்னைக் காத்திடவே
விரைந்திங்கு வாடி!

இடுகாட்டில் குடியிருக்கும் ஸ்ரீபத்ர காளி
கருங்காட்டில் அலைகின்றேன்
வழிகாட்ட வாடி!

தில்லையிலே நடனமிடும் திகம்பரக் காளி
என்னிதய மேடையிலே
பதம்பதிக்க வாடி!

குருதியைக் குடித்தாடும் சாமுண்டி காளி
குழைந்துன்னை அழைக்கின்றேன்
மகிழ்ந்திங்கு வாடி!

அலைபாயும் கூந்தலுடை ஆங்கார காளி
ஆசையாய் அழைக்கின்றேன்
அன்னையே வாடி!

கழுத்தினிலே கபாலம் சூடிக்கொண்ட காளி
கர்மவினை களைந்திடவே
கருணைகொண்டு வாடி!

திரிசூலம் ஏந்திக்கொண்டு சிவனுடனே ஆடி - உன்
திருவடிகள் சிந்தையிலே
நிறுத்தும் வரம் தாடி!!
"ஆடி ஆடி வருகுதம்மா
ஆடித்தேர் வருகுதம்மா

தேடித் தேடி வந்து நின்றோம்
தேவி உன்னைக் காண‌ வந்தோம்

வாடி வாடி அழுத முகம்
வாட்டம் தீர வணங்கி நின்றோம்

ஓடி ஓடி களைத்து விட்டோம்
உன் மடியில் சாய வந்தோம்

இடி இடியாய் வருவதெல்லாம்
பொடிப்பொடியாய் ஆகக் கண்டோம்

இன்னல் என்று வந்ததெல்லாம்
இன்னிசையாய் மாறக் கேட்டோம்"


========================================================================
வெள்ளிக்கிழமையில் அம்மன் தரிசனம் செய்வது இங்கே சிறப்பாகும்!
வடிவுடையாளின் வண்ணமுகத்தைக் காண்பது மனதுக்கு இனிதாகும்!
நுதலில் துலங்கும் குங்குமச்சிவப்பில் குற்றங்கள் யாவும் மறைந்தோடும்!
மீன்விழியாளின் மருளும் விழிகள் கண்டிட இங்கே கலிதீரும்!
மூக்குத்தி அழகைக் கண்டால்போதும் மனதில் மகிழ்ச்சி மிகவாகும்!
செவ்விதழ் காட்டும் சிரிப்பில் கவலைகள் எம்மைவிட்டு விரைந்தோடும்!
செவ்வாய்மொழிகள் கேட்டிடக் கேட்டிட களிப்பும் நெஞ்சில் குடியேறும்!
பட்டுக்கன்னம் காட்டும் செம்மையில் பாவங்கள் எல்லாம் பறந்தோடும்!
செவிமடல் ஆடும் குண்டலவொலியில் செய்தன யாவும் கழிந்துவிடும்!
அலையாய் விரியும் கூந்தல் அழகினில் அலைபோல் துன்பம் நீங்கிவிடும்!
அல்லிக்கைகள் அருளும் அழகில் அன்பே இங்கு அணைந்தேறும்!
கைவளை குலுங்க அசைந்திடும் அழகில் ஆசைகள் உள்ளில் மிகவாகும்!
குலுங்கும் கொங்கைகள் சுரக்கும் அமுதினில் பசியும் இங்கே பறந்தோடும்!
இடையில் திகழும் மேகலை ஒலியில் இன்னிசைக் கீதம் செவிமடுக்கும்!
கட்டுடல்மேனி கண்டதும் மனதில் கசடுகள் எல்லாம் கரைந்தோடும்!
பிஞ்சுப்பாதம் மிஞ்சும் மிஞ்சில் நெஞ்சம் இங்கே தள்ளாடும்!
மாவிலைவிரல்கள் முன்னே வருகையில் மோஹனம் எதிரே நடமாடும்!
முன்னழகில் மனம் தடுமாறும்! பின்னழகில் மனம் தள்ளாடும்!
அம்மன் தரிசனம் அழகாய்க் கண்டதில் ஆனந்தம் இங்கே மிகவாச்சு!
அம்மா உந்தன் அருளைக் காட்டி அடியேன் வாழ்வில் விளக்கேற்று!
========================================================================

ஆடிவெள்ளிக் கிழமையிலே அன்னை வந்தாள் தேரினிலே
அண்டமெலாம் ஆளும் சத்தி அசைந்து வந்தாள் ஊரினிலே
கண்டவரின் மனம் மயங்க கனிந்து வந்தாள் மாரியம்மா
வண்டாரும் குழலழகி வேண்டும் வரம் தாருமம்மா!

அழகுமிகு தொம்பைகளும் அந்தரத்தில் ஆடிவர
வாழை, தெங்கு குலைகளுமே அடுக்கடுக்காய் அசைந்துவர
குழைந்திருக்கும் பக்தர்கூட்டம் வடமெடுத்து இழுத்துவர
அழகுமயில் ஆடுதல்போல் அம்மன் தேர் ஓடுதம்மா!

ஓரசைவில் பார்த்திருந்தால் சிறுகுழந்தை தவழுதல்போல்
மறுபக்கம் பார்த்திருந்தால் சின்னப்பெண் நடப்பதுபோல்
இன்னொருபுறம் பார்த்தாலோ பருவப்பெண் குலுங்குதல்போல்
சிலநேரம் வயதான மூதாட்டி தளர்நடைபோல்.......
காட்டியிங்கே ஆடித்தேர் அசைந்தசைந்து வருகுதம்மா!

அன்னையிவள் பெருமையினைச் சொல்லிடவும் முடியாது
என்னமொழி சொன்னாலும் எடுத்துரைக்க இயலாது
கண்ணெழிலைக் காட்டியிவள் கேட்டவரம் தந்திடுவாள்
பண்ணெடுத்துப் பாடுபவர் பாவங்களைப் போக்கிடுவாள்!

சமயபுரத்தினிலே மாரியென வீற்றிருப்பாள்
கண்ணபுரத்தினிலே கண்ணாத்தா இவளேதான்
மதுரையிலே மீனாக்ஷி காஞ்சியிலே காமாக்ஷி
காசி விசாலாக்ஷி வேற்காட்டில் கருமாரி
திருவாரூர் கமலாம்பா திருக்கடவூர் அபிராமி
ஆரணி பெரியபாளையம் அங்கிவளே படவேட்டம்மா
சிதம்பரத்தில் சிவகாமி நாகையிலே நீலாயி
உஜ்ஜயினி ஓங்காளி உறையூரில் வெக்காளி
புதுக்கோட்டையில் புவனேஸ்வரி மயிலையிலே கற்பகம்மா
முண்டகக்கண்ணி மாரியம்மா, அங்கையற்கண்ணி அகிலாம்பா
பொற்கூடை மகமாயி பொலிவுதரும் பொன்னாத்தா
என்றுன்னைப் போற்றுகின்ற பக்தருக்கு அருளிடம்மா!

இப்படியே கோயிலிலே இருப்பதிலே மகிழாமல்
தாயாக நீவந்து வீடெல்லாம் குடியிருப்பாய்
தாயன்பே தெய்வமென தரணிக்குக் காட்டிடுவாய்
தங்கமே நின்பெருமை எளியேனால் சொல்லப்போமோ!

ஊரிருக்கும் இடமெல்லாம் தாயாரே நீயிருப்பாய்
உன்பிள்ளை கணபதியை உன்னுடனே வைத்திருப்பாய்
தடையேதும் வாராமல் உனைக்காண அவன் அருள,
தயவெல்லாம் தந்திடவே நீயென்றும் அருளிடுவாய்!

ஆற்றங்கரை மணலெடுத்து ஆடியிலே தவமிருந்தாய்
கூற்றுவனை உதைத்திட்ட இடக்காலாய் நீயிருந்தாய்
குற்றமிலா பட்டருக்கு நிலவொளியாய் நீ வந்தாய்
ஏற்றிடுவாய் என் துதியை! எல்லார்க்கும் அருளிடுவாய்!

தேரோட்டம் கூட்டிவந்து ஊர்நிலையைக் காட்டுகின்றோம்
வேறோட்டம் இல்லாது கூழூற்றிக் குளிர்கின்றோம்
ஏரோட்டம் நடப்பதற்கு நீர்நிலையைத் தந்திடுவாய்
பாரெட்டும் புகழ்பாடும் பத்தினியே பொழிந்திடுவாய்!

ஆதவனைக்கண்டதுபோல் என்மனமும் மலர்கிறது
திங்களைக் கண்டதுபோல் என்னுள்ளம் குளிர்கிறது
செவ்வாயில் சிரிப்பெல்லாம் காட்டியெனை மகிழ்த்திடுவாய்
பொன்புதனாய் என்வாழ்வில் புத்தொளியை ஊட்டிடுவாய்
குருவாக நீவந்து திருவருளைக் காட்டிடுவாய் - விடி
வெள்ளியென நம்பிக்கை எனக்கூட்டி நிறைத்திடுவாய் - வி
சனிக்கும் கவலைகளை நீ விரட்டிக் காத்திடுவாய்
நின்னடியில் என்காலம் நிறைவுபெறச் செய்திடுவாய்!

****************************

வெள்ளிக் கெண்டைக் கண்ணழகி
துள்ளிச் செல்லும் மானழகி
அள்ளித் தரும் அன்பழகி
தங்கத் தமிழ்ப் பேரழகி

வைகைநதிக் கரை யோரம்
வாகாய்நீ வீற்றி ருப்பாய்
பொய்கையிலே தாமரை போல்
பூத்துச் சிரித்தி ருப்பாய்

மலையத் துவச னுக்கு
மகளாய் பிறந்து வந்தாய்
திக்விஜயம் செய்து வந்தாய்
திக்கெட்டும் வென்று வந்தாய்

சுந்தரரைக் கண்ட பின்னே
சொக்கிப்போய் காதல் கொண்டாய்
மனம்போல் மணம் முடித்தாய்
மதுரையை ஆண்டு வந்தாய்

மீனாள் உன்பெயர் சொன்னால்
தேனாறு ஓடுதடி
தானாக வினைகளெல்லாம்
காணாமல் போகுதடி

பூவை உன்னைப் பார்த்திருந்தால்
பூவுலகம் மறக்குதடி
பாவை யுன்னைப் பாடிவந்தால்
பாவமெல்லாம் கரையுதடி

நீயேந்தும் கிளியாக
நான் மாறக் கூடாதோ? - உன்
காலடியில் ஒரு மலராய்
நான் சேரக் கூடாதோ?

========================================================================
ஆடிவெள்ளி நாளன்று அம்மாஉனை நினைத்தேன்!
தேடிவந்து தரிசிக்க திருக்கோயில் ஓடினேன்
கூடிவரும் பக்தர்கூட்டம் வீதிவரை நின்றது
நாடியுனைக் கண்டிடவே கூட்டத்தில் கலந்தேன்!

நெருக்கி நின்ற பக்தர்குழாம் நெட்டித் தள்ளியது
ஒருவர் மீது ஒருவர்மோதி அமைதி குலைந்தது
விருப்புடனே நின்னைக் காண என்னால் முடியாமல்
வெறுப்புடனே விலகிவந்து வியர்வை துடைத்தேன்!

காணவந்த என்னை நீயும் மறுத்தல் நியாயமா
மோனமொழி பேசிநிற்கும் தாயே சொல்லம்மா
நாணமில்லையோ உனக்கு இந்தச் செய்கையால்
ஏனோ என்னைநீயும் புலம்பிடவே செய்தாய்!

என்றெல்லாம் நினைத்தபடி சன்னதி நோக்கினேன்
முன்நின்ற மக்கள்தலை அதனை மறைத்தது
என்னெதிரே அப்போதொரு குழந்தை வந்தது
என்னைப் பார்த்துச் சிரித்தபடி அருகில் நின்றது!

பெண்ணழகைப் பார்த்துநின்றேன் கண்நிறைந்தது
வண்ணமுக வடிவினிலே உளம் நிறைந்தது
மீன்விழிகள் தேனிதழ்கள் பட்டுக்கன்னம்
பால்போலும் சிரிப்பலைகள் பட்டுப்பாவாடை!

அலைபாயும் கூந்தலையே அளவாக முடிந்திருந்து
விலையில்லாப் பொன்நகைகள் கைகளிலே அணிந்திருந்து
பிஞ்சுமலர்ப்பாதங்களில் கொஞ்சுகின்ற கொலுசணிந்து
வட்டநிறைப் பொட்டிட்டு கைகட்டி எதிரில்நின்றது!

தேவமகள் இவள்தானோ என்றொருகணம் நினைத்திட்டேன்
பூவினைப்போல் பொலிந்தவளைப் பார்த்தே சிரித்திட்டேன்
'சாமி பாக்கப் போகலியா'வென எனைப் பார்த்துக் கேடது
'கூட்டம் சற்று குறைந்தபின்னர்..' என இழுத்தேன்! பெண் சிரித்தாள்!

'உள்ளேயா? வெளியிலா?' என்றவளின் சொல்கேட்டு அதிர்ந்துபோனேன்
'என்னவிங்கு சொல்லுகிறாய்?' என ஒன்றும் புரியாமல் கேட்டேன்
'கூட்டமிங்கு குறையாது! நீதான் குறையணும்' என்று மேலும் சொன்னாள்
'நானெப்படிக் குறைவது?' மீண்டும் அவளைப் பார்த்துக் கேட்டேன்!

'பார்க்கணும்னு ஆசைவைச்சா, கூட்டமெல்லாம் ஒண்ணுமில்ல!
நோக்கமிங்கு ஒண்ணானா பாக்கறதும் ஒண்ணாயிடும்!
சேர்த்ததெல்லாம் தொலைச்சுபுட்டு சீக்கிரமா வந்துசேரு!'
சொல்லிவிட்டு சிட்டாய்ப் பறந்தாள்! விக்கித்து நின்றேன் நான்!

எனைத் தேற்ற என்னன்னை என்முன்னே வந்தாளா?
எனைக் காட்டி எனைக் காட்ட என்னையேதான் தந்தாளா?
எனைக் குறையச் சொல்லியிவள் என்னவிங்கு சொல்லிப்போனாள்?
பிறர்குறையைப் பார்ப்பதிங்கு உனக்கெதுக்கு என்றாளா?

ஆசைகளைத் தொலைத்துவிட்டு நேசமெல்லாம் அவளில்வைத்து
வேசமேதும் போடாமல் வீம்பெதுவும் செய்யாமல்
அசையாத மனத்துள்ளே அவளை வைத்திருந்தால்
பூசனைகள் தேவையில்லை தேவியவள் வந்திருப்பாள்!

ஆடிவெள்ளி நன்நாளில் அன்னையவள் அருள்வேண்டி
ஆலயத்துள் செல்லுகையில் அனைத்தையுமே மறந்திருப்போம்
அடிமனத்தில் அன்போடு அனுதினமும் நினைத்திருந்தால்
ஆலயமும் செல்லவேண்டா! அன்னையிவள் ஓடிவருவாள்!

படித்ததெல்லாம் பயிற்சியினால் மட்டுமே பயனாகும்
படித்ததுவும் பிடித்ததுவும் இத்தோடு போதுமிங்கு
படித்ததெல்லாம் பயின்றிடுவோம் நலிந்தவரை வாழவைப்போம்
அவரெல்லாம் சிரிக்கையிலே அங்கேநாம் அன்னையைக் காண்போம்!

ஏதோ ஒன்று புரிந்ததுபோல் இருந்தது
தலையைத் திருப்பி சன்னதியைப் பார்த்தேன்
கூட்டம் குறைந்திருந்தது! கர்ப்பக்கிரகம் தெரிந்தது!
அன்னை சிரித்திருந்தாள்! அன்போடு எனைப்பார்த்து!
================================================

அருணாம் கருணா தரங்கி தாக்ஷீம்
த்ருத பாசாங்குச புஷ்ப பாண சபாம்
அனிமாதி அபிர வ்ருத்தாம்
மயூகை ரஹ மித்யேவ விபவயே பவானீம்
த்யாயேத் பத்மாசன ஸ்தாம்

பூவாடைக் காரி பொன்னழகி உனக்குப்
பொங்கலிடக் கிடைச்சது பாக்கியம் எனக்கு
மீன்காரன் வீடெங்கும் மீன்வாசம் இருக்கும்-அடி
மீனாட்சி நீ வந்தா நெய்வாசம் அடிக்கும்

ஆத்தாடி மாரியம்மா-சோறு
ஆக்கி வெச்சேன் வாடியம்மா
ஆழாக்கு அரிசியைப் பாழாக்க வேண்டாம்
தின்னு புட்டுப் போடியம்மா
(ஆத்தாடி மாரியம்மா)

ஸ்ரீ வித்யாம் சாந்த மூர்த்திம்!
சகல சுர நுதாம்! சர்வ சம்பத் ப்ரதாத்ரீம்!

பாட்டெடுத்தேன் தாளமிட்டேன் ஓடி வரலே-ஆடிப்
பாத்துப்புட்டேன் பிள்ளை முகம் தேடி வரலே
பேச்சுப்படி பொங்கல் உண்ண இங்கு வரலே-நான்
மூச்சடிக்கி உன்னிடத்தில் அங்கு வருவேன்!
(ஆத்தாடி மாரியம்மா)

ச குங்கும லேபன, மல்லிகா சும்பி கஸ்தூரிகாம்!
சமந்த ஹசி தேட்சணாம், ஹரி ஹராம், ராஜ ராஜேஸ்வரீம், அம்பிகானாம்!

சீக்கிரத்தில் காட்சி தந்த செல்வ நாயகி-புது
சேலைக்காரி பூக்காரி தெய்வ நாயகி
பத்ர காளி ருத்ர காளி பாரடியம்மா-இந்தப்
பாவி மகன் வீட்டுல வை ஓரடியம்மா!
(ஆத்தாடி மாரியம்மா)

================================================================

மாங்காட்டில் அவள் பெயர் காமாக்ஷி

மாங்காட்டுத் திருத்தலத்தில்
காமாக்ஷி என்றபெயர்
கொண்டபடி வீற்றிருக்கும் அம்மா!

பூங்காற்றுபோல நெஞ்சம்
தழுவுகின்ற கருணையினால்
எமைஆட்சி செய்திருக்கும் அம்மா!

அக்கினியின் நடுவினிலே
முக்கண்ணனை வேண்டி
உக்கிரமாய்த் தவம்செய்தாய் அம்மா!

ஒற்றைவிரல் ஒன்றுமட்டும்
ஊசி முனை தாங்கி நிற்க
உள்ளம்ஒன்றி உருகிநின்றாய் அம்மா!

பற்றனைத்தும் விட்டுவிட்டு
உன்னை மட்டும் பற்றிக் கொள்ள
பாவைஎனக் கருள்புரிவாய் அம்மா!

இற்றைக்கும் ஏழேழு
பிறவிக்கும் உன்னடிகள்
போற்றுகின்ற வரம்தருவாய் அம்மா!

மூவிரண்டு வாரங்கள்
மனமொன்றி வேண்டி நின்றால்
மறுக்காமல் அருள்கின்ற அம்மா!

நாவினிக்க உன்பெயரை
நாள்தோறும் பாடுகின்றேன்
நயந்தெனக்கு அருளிடுவாய் அம்மா!

============================================================
 
மங்கலம் நல்கிடும் மங்கல மங்கை
கொங்கைகள் பொங்கிடும் அங்கையற்கண்ணி
தங்கத்தாமரைக் குளத்தின் அருகே
தங்கிடவந்தாள் கூடல்மா நகரில்!

காமம் அழித்திடக் கருணை கொண்டு
காட்டிய கோலம் கண்டவர் நடுங்கிட
சங்கரன் வந்து கோணத்தில் கட்டிட
கச்சியில் அமர்ந்தாள் காமாட்சித் தாயும்!

பிச்சை எடுக்கும் துணைவனைப் பேண
அன்புளம் கொண்ட அரும்பெரும் தேவி
அகலக் கண்களை அழகாய்க் காட்டி
அமர்ந்ததும் காசி எனும் பெருந்தலத்தில்!

முப்பெருந்தேவியர் முழுவுருக் காண
எப்பதி சென்றால் திருவருள் கிட்டும்
என்றே அலையும் பக்தர் கூட்டம்
அறிந்திட வேண்டும் அகத்தின் உள்ளே!

எங்கே சென்று தேடினும் கிட்டா
அன்பின் உருவம் அமரும் இடமும்
இங்கே எமது இதயத் தாமரை
இதனைப் புரிந்தால் எல்லாம் நலமே!

வெள்ளிக்கிழமைகள் அன்னையின் திருநாள்
ஆடிவெள்ளியோ அனைத்திலும் உயர்வு
ஆடிடும் மனத்தை அசையா நிறுத்தி
அதிலே அவளைக் கண்டிட விழைவோம்!

ஆடும் மயிலாய் ஆடியே வருவாள்
அழகாய் எம்மின் உள்ளில் உறைவாள்
அகமும் புறமும் அவளை நினைந்தால்
அருளைப் பொழிவாள் கருணைக் கடலாய்!

ஆடிவெள்ளியில் அவளை நினைப்போம்
பாடியே நிதமும் பதமலர் பணிவோம்
தேடியே வருவாள் சத்தியம் இதுவே
நாடியே நாமும் நம்பிக்கை கொள்வோம்!

மண்ணளக்கும் தாயே பெரிய பாளையத்தம்மா
மண்ணளக்கும் தாயே குலதெய்வமே தொட்டியங்குளம் மாரியம்மா
மா மதுரையிலே தெப்பக்குளம் மாரியம்மா

விருதுநகரிலே முத்துமாரியம்மா
சிவகாசியிலே பத்திரகாளியம்மா
வீரபாண்டியிலே கெளமாரியம்மா
தாயமங்கலத்திலே முத்துமாரியம்மா
இருக்கன்குடியிலே மாரியம்மா
செந்தூரிலே சந்தன மாரியம்மா
ஆரல்வாய்மொழியிலே முப்பந்தலிலே இசக்கி மாரியம்மா
பெருங்கரையிலே சதுரங்கநாயகியம்மா

சிவகங்கையிலே வெட்டுடையார் காளியம்மா
திண்டுக்கல்லிலே கோட்டை மாரியம்மா
மணப்பாறையிலே முத்துமாரியம்மா
திருச்சியிலே சமயபுரத்தம்மா வெக்காளியம்மா
சிறுவாச்சூர் மதுரகாளியம்மா

மண்ணளக்கும் தாயே....
தஞ்சையிலே புன்னை நல்லூர் மாரியம்மா
குடந்தையிலே படைவெட்டி மாரியம்மா
வலங்கைமானிலே பாடைகட்டி மாரியம்மா

தஞ்சை   வேளாங்கண்ணி

நாகையிலே நெல்லுக்கடை மாரியம்மா
வேளாங்கண்ணியிலே வேளங்கண்ணியம்மா
திருத்துறைப்பூண்டியிலே முள்ளாச்சியம்மா
எட்டுக்குடியிலே துரோபதை மாரியம்மா

ஆரூரிலே சீதளாதேவி எல்லம்மா
பட்டுக்கோட்டையிலே நாடியம்மா
அறந்தாங்கியிலே வீரமா காளியம்மா
திருவப்பூர் மாரியம்மா
கொண்ணையூர் மாரியம்மா
காரைக்குடியிலே கொப்புடைய நாயகியம்மா
கண்கொடுக்கும் தெய்வமே - நாட்டரசன்கோட்டை வாழும் என் கண்ணாத்தா!

மண்ணளக்கும் தாயே....
படவேட்டிலே ரேணுகா பரமேஸ்வரியம்மா
மேல்மருவத்தூர் ஆதிபராசக்தியம்மா
மேல்மலையனூர் அங்காளபரமேஸ்வரியம்மா
வெட்டுவானம் எல்லையம்மா
செங்கையிலே மனப்பாக்கம் கன்னியம்மா
செங்கையிலே நாகாத்தம்மா

மண்ணளக்கும் தாயே....
சென்னையிலே மயிலையிலே அருள்மிகு தேவி முண்டகக் கண்ணியம்மா
கோலவிழி பத்ரகாளியம்மா
அல்லிக்கேணியிலே எல்லம்மா
புரசையிலே பாதாள பொன்னியம்மா
மாம்பலத்திலே முப்பாத்தம்மா
வடசென்னையிலே ரேணுகா பரமேஸ்வரியம்மா

மண்ணளக்கும் தாயே....
சேலத்திலே அன்னதான மாரியம்மா
ஈரோட்டிலே சின்ன மாரி பெரிய மாரியம்மா
கோவையிலே தண்டுமாரியம்மா கோணியம்மா
சத்யமங்கலத்திலே பண்ணாரி மாரியம்மா

மண்ணளக்கும் தாயே....
வடநாட்டிலே காசி விசாலாக்ஷியம்மா
வங்காளத்திலே காளியம்மா
விஜயவாடாவிலே கனக துர்க்கையம்மா
கர்நாடக மாநிலத்திலே அன்னை சாமுண்டீஸ்வரி சாரதாம்பி்கே மூகாம்பிகையம்மா
தங்கவயலிலே கங்கையம்மா

மண்ணளக்கும் தாயே....
கேரளத்திலே சோட்டாணிக்கரை பகவதியம்மே
கொடுங்கல்லூர் பகவதியம்மே

மண்ணளக்கும் தாயே....
மலேசிய நாட்டிலே மகா மாரியம்மா
சிங்கப்பூரிலே வீரமா காளியம்மா

மலேசியா-ஜோஹர் பாரு
   
சிங்கப்பூர்

இவையனைத்தும் ஒன்று சேர்ந்த சக்தி சொரூபமே -
அம்மா திருவேற்காட்டில் வாழ்.....
கனவிலும் நினைவிலும் இவன் தொழும்
என் சத்திய தெய்வமே....கருமாரியம்மா.....கருமாரியம்மா.....
இந்த மகனுடைய குறைகளையும் கவலைகளையும் தீரடியம்மா
அம்மா அம்மா அம்மா....அம்மாs

========================================================================

ஆத்தா கருமாரி கண் பாத்தா போதும்
பாத்தா வினை தீரும் பாவமெல்லாம் பறந்தோடும்
காத்தாயி மகமாயி கருணை தெய்வம் மாகாளி
நார்த்தமலை வாழும் எங்கள் நாயகியாம் திரிசூலி

நெஞ்சினிலே நிறைஞ்சிருப்பா நிம்மதியைத் தந்திடுவா
வஞ்சகரின் வாழ்வறுப்பா வந்த வினை தீர்த்திடுவா
மஞ்சளிலே குளிச்சி நிப்பா சிங்காரமாச் சிரிச்சு நிப்பா
தஞ்சம் என்று வந்துவிட்டா தயங்காம காத்து நிப்பா

மல்லிகைச் சரம் தொடுத்து மாலை இட்டோம் - அரிசி
மாவிளக்கு ஏற்றி வைத்து பொங்கலும் இட்டோம் - அம்மா
துள்ளியே எந்தன் முன்னே வாரும் அம்மா - அம்மா
தூயவளே எந்தன் தாயீ மாரியம்மா!

பட்டுப் பீதாம்பரத்தில் தாவணியும் - உனக்குப்
பாவாடைச் சேலைகளும் கொண்டு வந்தோம்
பட்டுப் பீதாம்பரத்தில் தாவணியும் - உனக்குப்
பாவாடைச் சேலைகளும் கொண்டு வந்தோம்

   
உன்னிடத்தில் சொல்லாமல் வேறு எந்த உறவிடத்தில் முறையிடுவேன் தாயே!
எந்தன் அன்னையவள் நீயிருக்க உலகில் - மற்ற அந்நியரை இவன் கெஞ்சிடுதல் முறையோ அம்மா?
கண்ணீரைத் துடைத்துவிட ஓடி வாம்மா! காத்திருக்க வைத்திடுதல் சரியோ அம்மா!

இந்தச் சின்னவனின் குரல்கேட்டு முகம் திருப்பு - அம்மா
சிரித்தபடி என்னைத் தினம் வழி அனுப்பு! - அம்மா
கண்ணிரண்டும் உன்னுருவே காண வேண்டும் - அம்மா
காலிரண்டும் உன்னடியே நாட வேண்டும்!

பண்ணமைக்கும் நாவுனையே பாட வேண்டும் - அம்மா
எல்லோரும் பக்தியுடன் கையெடுத்து உன்னையே கும்பிட வேண்டும்!
எண்ணமெல்லாம் உன் நினைவே ஆக வேண்டும்!
இருப்பதெல்லாம் உன்னுடையது ஆக வேண்டும்!

========================================================================

அகரமுதல எழுத்தெல்லாம் அறியவைத்தாய் தேவி
ஆதிபகவன் முதலென்றே உணரவைத்தாய் தேவி
இயல் இசை நாடக தீபம் ஏற்றி வைத்தாய்
ஈன்றவர் நெஞ்சை இன்று குளிர வைத்தாய் தாயே
அகரமுதல எழுத்தெல்லாம் அறியவைத்தாய் தேவி (அகர)

ஆதிபகவன் முதலென்றே உணரவைத்தாய்
தேவி ஆதிபகவன் முதலென்றே உணரவைத்தாய்
தேவி (அகர முதல)

இயல் இசை நாடக தீபம் ஏற்றி வைத்தாய்
இயல் இசை நாடக தீபம் ஏற்றி வைத்தாய்
ஈன்றவர் நெஞ்சை இன்று குளிர வைத்தாய்
ஈன்றவர் நெஞ்சை இன்று குளிர வைத்தாய்
உயிர் மெய் எழுத்தெல்லாம் தெரியவைத்தாய்
உயிர் மெய் எழுத்தெல்லாம் தெரிய வைத்தாய்
ஊமையின் வாய் திறந்து பேச வைத்தாயம்மா பேச வைத்தாய்
(அகர முதல)

எண்ணும் எழுத்தெங்கும் கண் திறந்தாய்
எண்ணும் எழுத்தெங்கும் கண் திறந்தாய்
ஏற்றம் தரும் புலமை ஆற்றல் தந்தாய்
ஏற்றம் தரும் புலமை ஆற்றல் தந்தாய்
ஐயம் தெளியவைத்து அறிவு தந்தாய்
ஐயம் தெளியவைத்து அறிவு தந்தாய்
ஒலி தந்து மொழி தந்து குரல் தந்தாய்
ஒலி தந்து மொழி தந்து குரல் தந்தாய்
ஓங்கார இசை தந்து உயர வைத்தாய் தேவி

போற்ற வைத்து புகழ் சாற்ற வைத்து
அறிவூற்றினோடு உயராற்றல் தந்தென்னை

அறிஞன் கவிஞன் கலைஞன் இவனென
அருளும், தமிழும் திகழும் கடலென

கற்றவரும் கொற்றவரும் முற்றுமே
அறிந்தவரும் நித்தம் நித்தம் புகழ்ந்திட
நின்னருளை தந்தருள்வாய்

உற்றார் சுற்றம் உறவினர் பார்த்தது
யானை சேனை படையுடன் வேந்தது

பற்றும் பற்றை நீக்கிய ஞானி
பலரும் புகழ்ந்திட ஆக்கிய வாணி

தாயிலாத பிள்ளையென்று வாயில்லாத
ஊமையென்று ஆயிரங்களான கல்வி
வாய்திறந்து தந்த செல்வி

அன்னை உன்னை சரணமடைந்தேன் தேவி

====================================================

பெண்  தாயே கருமாரி எங்கள் தாயே கருமாரி
    தேவி கருமாரி துணை நீயே மகமாயி

பெண்  ஆயிரம் கண்கள் உடையவளே
    ஆலயத்தின் தலைமகளே
    கடைக் கண்ணாலே பார்த்தருள்வாய்
    காலமெல்லாம் காத்தருள்வாய் (தாயே)
    அன்னை உந்தன் சன்னதியில்
    அனைவரும் ஒன்றாய் கூடிடுவோம்
    அம்மா உந்தன் பொன்னடியில்
    அனுதினமும் சரணடைவோம்  (தாயே)
    சிங்கமுக வாகனத்தில் சிங்கார மாரியம்மா
    வந்துவரம் தந்திடுவாய் எங்கள் குல தெய்வம் மாரியம்மா

========================================================================
         
பரமனுக்கு உலகமெல்லாம் வாழ வைக்க வந்தவளே
கரம் குவித்து வேண்டிகின்றோம் காத்திடுவாள் கருமாரி
காத்திடுவாள் கருமாரி

மாரியம்மா எங்கள் மாரியம்மா
மாரியம்மா எஙகள் மாரியம்மா
உன்னை வணங்குகின்றோம் கருமாரியம்மா
உன்னை வணங்குகின்றோம் கருமாரியம்மா

நேரினிலே நீயிருக்கும் கோவிலே வந்து
நெஞ்சமதில் உன்பதமே தஞ்சமென கொண்டு

கூறும் வரம் யாவும் தந்திடுவாய் என்று
கூறுதம்மா அந்த திரு கூட்டமெல்லாம் இன்று

மாரியம்மா எங்கள் மாரியம்மா
மாரியம்மா எங்கள் மாரியம்மா

திருச்சாம்பல் அணிந்துவந்தால் மணமும் மகிழுதாம்
தீராத நோய்களையும் தீர்த்து வைக்குதாம்

பருவார்தம்  வாழ்வில் எல்லாம் வளமும் பெருகுதாம்
வாழ்த்துகின்ற மனதில் என்றும்  இன்பம் தருவதாம்

மாரியம்மா எங்கள் மாரியம்மா
மாரியம்மா எஙகள் மாரியம்மா
உன்னை வணங்குகின்றோம் கருமாரியம்மா
உன்னை வணங்குகின்றோம் கருமாரியம்மா

========================================================================

பெண்    கருணை உள்ளம் கொண்டவளே கருமாரியம்மா - உன்
    கடைக் கண்ணால் நலம் கொடுப்பாய் அருள் மாரியம்மா
    அருள் மாரியம்மா - அம்மா   (கருனை)

பெண்  கரகம் எடுத்து ஆடி வந்தோம்
    காணிக்கை செலுத்த நாடி வந்தோம்
    கரங்கள்  குவித்து பாடி வந்தோம்
    வரங்கள் குறித்து தேடி வந்தோம் - அம்மா (கருனை)
    குத்து விளக்கை ஏற்றி நின்றோம்
    எங்கள் குல விளக்கை போற்றி நின்றோம்
    முத்துமாரி உனை பணிந்தோம்
    பக்தி கொண்டோம் பலன் அடைந்தோம் - அம்மா (கருனை)

பெண்  அன்ன வாகனம் அமர்ந்து வந்தாய் - அம்மா
    அம்மா எங்களுக் கருள் வந்தாய்
    புன்னகை முகம் கொண்டவளே
    பொன்மலர் பாதம் தந்தவளே - அம்மா (கருனை)
========================================================================

பெண்  அம்பிகையை கொண்டாடுவோம்
    கருமாரி அம்பிகையை கொண்டாடுவோம் (அம்)

பெண்  ஆலய திருநீறை அணிந்திடுவோம்
    அந்த ஆயிரம் கரத்தாளை பணிந்திடுவோம்
    சந்தனத்தை பூசி வரும் மாங்காட்டு நீலியம்மா
    குங்குமத்தை அள்ளித் தந்து குறி சொல்லும் சூலியம்மா (அம்)  

பெண்  புன்னை நல்லூர் மாரியம்மா புகழைப் பாடுவோம்
    அங்கு பூங்கலசம் எடுத்து வந்து பொங்கல் போடுவோம்
    தில்லையாடும் காளியம்மா காளியம்மா...
    தில்லையாடும் காளியம்மா எல்லை தாங்கம் தேவியம்மா
    கரும்பு வில்லை தாங்கும் தேவியம்மா
    என்னைக் காக்கும் மாரியம்மா
    எங்கள் அன்பு தேவியம்மா

========================================================================

பெண்  செல்லாத்தா செல்ல மாரியாத்தா
    எங்கள் சிந்தையில் வந்து அரை வினாடி நில்லாத்தா
    கண்ணாத்தா உன்னைக் காணாட்டா
    இந்த கண்களிருந்து என்ன புண்ணியம் சொல்லாத்தா
    உந்தன் பெருமையை இந்த உலகுக்கு எடுத்து பாடாட்டா
    இந்த ஜென்மமெடுத்து என்ன பயனென்று சொல்லடி நீயாத்தா
    (செல்லாத்தா)

பெண்  தென்னமரத் தோப்பினிலே தேங்காயப் பறிச்சிகிட்டு
    தேடி வந்தோம் உந்தனையே சின்னாத்தா
    நீ இளநீரை எடுத்துகிட்டு எங்க குறை கேட்டுபுட்டு
    வளமான வாழ்வு கொடு மாரியாத்தா - நல்ல
    வழி தன்னையே காட்டிவிடு மாரியாத்தா
    (செல்லாத்தா)

பெண்  பசும்பாலைக் கறந்துகிட்டு கறந்தபால எடுத்துகிட்டு
    புற்றினிலே ஊற்ற வந்தோம் மாரியாத்தா
    நீ பாம்பாக மாறி அதைப் பாங்காகக் குடித்துவிட்டு
    தானாக ஆடிவா நீ மாரியாத்தா
    உந்தன் பெருமையை இந்த உலகுக்கு எடுத்து பாடாட்டா
    இந்த ஜென்மமெடுத்து என்ன பயனென்று சொல்லடி நீயாத்தா
    (செல்லாத்தா)

    ஆதி சக்தி மாதா, கருமாரி மாதா - எங்கள்
    ஆதி சக்தி மாதா, கருமாரி மாதா!
========================================================================

பெண் அங்காளம்மா எங்கள் செங்காளம்மா
    மங்களம் பொங்க மனதில் வந்திடும்
    மாரியம்மா கரு மாரியம்மா

பெண்  சிங்காரி ஒய்யாரி செம்பவளக் கருமாரி
    சிங்கத்தின் மீதேறி பவனி வரும் ஓங்காரி
    மஞ்சளிலே நீராடி நெஞ்கினிலே உறவாடி
    தஞ்சமென்று வந்தோமடி கெஞ்சுகிறோம் உன்னையடி (அங்)

    பெண்  நாகத்தில் யீமர்ந்து காட்சி தரும் அலங்காரம்
    நாயகியே உன்னைக் கண்டால் நாவில் வரும் ஓங்காரம்
    பாசமெனும் மலரெடுத்து ஆசையுடன் மாலை தொடுத்து
    நேசமுடன் சூட்ட வந்தோம் மாசில்லாத மாரியம்மா (அங்)
    பெண் தென் பொதிகை சந்தனம் எடுத்து
    மஞ்சளுடன் குங்குமம் சேர்த்து
    பன்னீரும் அபிஷேகம் செய்ய வந்தோம் மாரியம்மா
    அன்னையாக நீ இருந்து அருளென்னும் பாலைத் தந்து
    இன்பமுடன் வாழ வைப்பாய் ஈஸ்வரியே மாரியம்மா (அங்)

========================================================================

பெண்  வேற்காடு வாழ்ந்திருக்கும் ஆதிபராசக்தி அவள்
    வேல்முருகன் அன்னை அவள் வேண்டும் வரம் தந்திடுவாள்
    பாற்கடலாய் அவள் கருனை பெருகிடவே செய்திடுவாள்
    பக்தர்களை கண்ணிமை போல் எப்போதும் காத்திடுவாள் (வேற்காடு)

    தீராத வினை எல்லாம் தீர்த்து வைக்கும் தெய்வமகள்
    போராடும் பாவங்களை பறந்தோடச் செய்பவளாம்
    திருச்சாம்பல் அணிந்தோரை திடமுடனே காப்பவளாம்
    திருமாலின் சோதரியாம் கருநாக ரபிணியாம் (வேற்காடு)

    எங்கும் நிறைந்தவளாம் ஏகாந்த ரூபிணியாம்
    மங்களமாய் வாழ்வளிக்கும் மணிகண்டன் தாயவளாம்
    சங்கரன் முதல் நாரணனும் பணிந்திடும் பரதேவதையாம்
    பங்கஜம் முகம் கொண்டவளாம் பரமசிவன் நாயகியாம் (வேற்காடு)

========================================================================

வேற்காட்டில் வீற்றிருக்கும் வேதவல்லி மாரி
நாற்கதியும் தந்திடுவாய் ஞானதேவி மாரி
நீ நாவினிலே வந்திடுவாய் நாதமாக மாரி
ஆவலுடன் ஆடிவா நீ நாகமாக மாறி
கருநாகமாக மாறி கருமாரி உருமாறி மகமாயி
கற்பூர ஜோதியிலே காட்சி தரும் மாரி
அற்புதமாய உலகினையே ஆட்சி செயுயம் மாரி
கற்பூர ஜோதியிலே காட்சி தரும் மாரி
அற்புதமாய உலகினையே ஆட்சி செய்யும் மாரி
கருனை உள்ளம் கொண்டவளே கண்ணான மாரி
பொற்காலம் வழங்கிடுவாய் பொன்னாக மாரி (வேற்கா)

கரக ஆட்டம் ஆடி வந்தோம் கருமாரி
மனை உருகிடவே நாடி வந்தோம் முத்துமாரி
பம்பை உடுக்கை முழங்கிடவே ஆடி வரும் மாரி
உன்னைக் கும்பிடவே ஓடிவந்தோம் அம்பிகையே மாரி (வேற்கா)

========================================================================

மாரியம்மா மாரியம்மா மாரியம்மா
தேவி கருமாரியம்மா தேடி வந்தோம் உன்னையம்மா
தேவி கருமாரியம்மா தேடி வந்தோம் உன்னையம்மா
ஆவலுடன் உனைப் பணிந்தோம்
நாவாரப் பாடவந்தோம் ஆவலுடன் உனைப்பணிந்தோம்
மேவி வரும் கருணை மனம் கொண்டவளும் நீ அம்மா
தாவி வரும் சிங்கத்தின் மேல் அமர்ந்தவளும் நீ அம்மா
 பாவி என்று இகழாமல் பாசமலர் தாருமம்மா
பூவிருந்தவல்லியில் வாழ் புண்ணியவதி நீ அம்மா
பூவிருந்தவல்லியில் வாழ் புண்ணியவதி நீ அம்மா
சித்திரை பல்லக்கில் ஏறி வந்தாள் ... அவள்
சிங்காரமாகவே ஆடி வந்தாள்
முத்துப் பல்லக்கினில் ஏறி வந்தாள்... அவள்
முந்தை வினை நீக்க ஓடி வந்தாள்
வேலனுக்கு வேல் கொடுத்தாள் வேற்காட்டு மாரியம்மா
காலனையும் ஓட வைப்பாள் காளி கருமாரியம்மா
சீலருடன் வந்திடுவாள் நீலி கருமாரியம்மா
சூலமதை தந்திடுவாள் சுகம் தரும் மாரியம்மா
சூலமதை தந்திடுவாள் சுகம் தரும் மாரியம்மா

========================================================================
பெண்  காலமெல்லாம் காத்திருந்தாலும்
    காணக் கிடைக்காதவள் கருமாரி
    கனிந்துருகி உள்ளம் கொதித்தவர்க்கு
    கணத்திலே காட்சி தந்திடுவாள் தேவி கருமாரி
    காலமெனும் தேரிலேறி கருமாரி நீ வருகையிலே
    காணக் கண் கூசுதம்மா கோடி ஜோதி தெரியுதம்மா
    பூரண நிலவினிலே பொன்மேனி ஒளி விடவே
    புற்றினிலே தோன்றுவாள் எங்கள் கருமாரியம்மா
    புண்பட்ட மனதிலெல்லாம் பூரணமாய் நிறைந்திடவே
    பொங்கிடும் செல்வமெல்லாம் பூரணமாய் நிறைந்திடவே
    கருநாகமாய் வந்திடுவாள் கைகுவித்த பேருக்கு
    காட்சியும் கொடுத்திடுவாள் எங்கள் கருமாரியம்மா

பெண்  திரிசூலம் ஏந்திடுவாள் திருநீறு அணிந்திடுவாள் (திரி)
    தீராத நோயெல்லாம் தீர்த்திடுவாள் கருமாரி
    சரவிளக்கு சுடர்விடவே
    சாற்றிய மாலையெல்லாம் உருமறைக்க
    கற்பூரம் காட்டியே கை தொழுதால்
    கண் திறந்து பார்த்திடுவாள் எங்கள் கருமாரி
    கிணிமணி கிலுகிலுக்க கால் சலங்கை சலசலக்க
    உடலெங்கும் சிலுசிலுக்க உன் சிரிப்பொலி கேட்குதம்மா
    எங்கள் சிந்தையும் குளிருதம்மா (திரி)

பெண்  கருணை உள்ளம் கொண்டவளே எங்கள் கருமாரி
    கண்ணாயிரம் கொண்டவளே எங்கள் கருமாரி
    பொன்னாபரணம் பூண்டவளே எங்கள் கருமாரி
    பண்ணாயிரம் பாட வந்தோம் எங்கள் கருமாரி

========================================================================

பெண்  கருனை வடிவானவளே கரம் குவித்தோம் அம்மா
    கவலை யெல்லாம் தீர்த்து ஆளும் கருமாரி அம்மா
    அருள் பொழியும் ஆயிரம் கண்ணுடைய தாயே - உந்தன்
    அடிமைகளை காத்தருள்வாய் அனுதிமும் நீயே (கரு)

பெண்  புரிந்தும் புரியாது செய்த
    பெரும் பிழைகள் இல்லாம்
    பொறுத் தருள வேண்டும் உந்தன்
    பொன்னடியை வணங்குகிறேன்
    மகிமை பல செய்து வரும்மகா சக்தி அன்னை - இந்த
    மெய் தலத்தில் அவதரித்தான் என்ற வார்த்தை உண்மை (கரு)

பெண்  தேசமெல்லாம் போற்றி வருந் தேவி எங்கள் கருமாரியம்மா
    ஈஸ்வரியே இன்பமெல்லாம் தந்தருள்வாய் கருமாரி
    மாசுகளை நீக்கிடுவாய் மங்கள குணமாரி
    மனிதர் குல தெய்வமாய் விளங்கும் உபகாரி (கரு)

========================================================================
பெண்  கற்பூர நாயகியே! கனகவல்லி!
    காளி மகமாயி! கருமாரி அம்மா!
    பொற்கோவில் கொண்ட சிவ காமியம்மா!
    பூவிருந்த வல்லி தெய்வானையம்மா!
    விற்கால வேதவல்லி விசாலாட்சி!
    விழிக்கோல மாமதுரை மீனாட்சி!
    சொற்கோவில் நானமைத்தேன் இங்கு தாயே!
    சுடராக வாழ்விப்பாய் என்னை நீயே!   (கற்பூர)

பெண்  புவன முழுதாளுகின்ற புவனேஸ்வரி!
    புரமெரித்தோன் புறமிருக்கும் பரமேஸ்வரி!
    நவநவமாய் வடிவாகும் நாகேஸ்வரி!
    நம்பினவர் கைவிளக்கே ஸர்வேஸ்வரி!
    கவலைகளைத் தீர்த்துவிடும் காளீஸ்வரி!
    காரிருளின் தீச்சுடரே ஜோதீஸ்வரி!
    உவமான பரம்பொருளே ஜகதீஸ்வரி!
    உன்னடிமைச் சிறியேனை நீயாதரி!  (கற்பூர)

பெண்  உன்னிடத்தில் சொல்லாமல் வேறு எந்த
    உறைவிடத்தில் முறையிடுவேன் தாயே! எந்தன்
    அன்னையவள் நீயிருக்க உலகில் மற்ற
    அன்னியரைக் கெஞ்சிடுதல் முறையோ அம்மா!
    கண்ணீரைத் துடைத்துவிட ஓடி வாம்மா!
    காத்திருக்க வைத்திடுதல் சரியோ அம்மா!
    சின்னவளின் குரல்கேட்டுன் முகம் திருப்பு!
    சிரித்தபடி என்னைத் தினம் வழி அனுப்பு!   (கற்பூர)

பெண்  கண்ணிரண்டும் உன்னுருவே காண வேண்டும்!
    காலிரண்டும் உன்னடியே நாட வேண்டும்!
    பண்ணமைக்கும் நா உனையே பாட வேண்டும்!
    பக்தியோடு கையுனையே கூடவேண்டும்!
    எண்ணமெல்லாம் உன் நினைவே ஆக வேண்டும்!
    இருப்பதெல்லாம் உன்னுடையதாக வேண்டும்!
    மண்ணளக்கும் சமயபுர மாரியம்மா!
    மகனுடைய குறைகளையும் தீருமம்மா!   (கற்பூர)

பெண்  நெற்றியிலே குங்குமமே நிறைய வேண்டும்!
    நெஞ்சினுலும் உன் திருநாமம் வழியவேண்டும்!
    கற்றதெல்லாம் மேன் மேலும் பெருக வேண்டும்!
    கவிதையிலே உன் நாமம் வாழ வேண்டும்!
    சுற்றமெல்லாம் நீடுழி வாழ வேண்டும்!
    ஜோதியிலே நீயிருந்து ஆள வேண்டும்!
    மற்றதெல்லாம் நானுனக்குச் சொல்லலாமா!
    மடிமீது பிள்ளை என்னைத் தள்ளலாமா!  (கற்பூர)

பெண்  அன்னைக்கு உபசாரம் செய்வதுண்டோ!
    அருள் செய்ய இந்நேரம் ஆவதுண்டோ!
    கண்ணுக்கு இமையின்றிக் காவலுண்டோ!
    கன்றுக்கு பசுவின்றி சொந்தமுண்டோ!
    முன்னைக்கும் பின்னைக்கும் பார்ப்பதுண்டோ!
    முழுமைக்கும் நீ எந்தன் அன்னையன்றோ!
    எண்ணெய்க்கும் விளக்குக்கும் பேதமுண்டோ!
    என்றைக்கும் நானுந்தன் பிள்ளையன்றோ!   (கற்பூர)

பெண்  அன்புக்கே நானடிமையாக வேண்டும்!
    அறிவுக்கே என் காது கேட்க வேண்டும்!
    வம்புக்கே போகாமல் இருக்க வேண்டும்!
    வஞ்சத்தை என் நெஞ்சம் மறக்க வேண்டும்!
    பண்புக்கே உயிர் வாழ ஆசை வேண்டும்!
    பரிவுக்கே நானென்றும் பணிய வேண்டும்!
    என்பக்கம் இவையெல்லாம் இருக்க வேண்டும்!
    என்னோடு நீ என்றும் வாழ வேண்டும்!   (கற்பூர)

பெண்  கும்பிடவோ கையிரண்டும் போதவில்லை!
    கூப்பிடவோ நாவொன்றால் முடியவில்லை!
    நம்பிடவோ மெய்தன்னில் சக்தியில்லை!
    நடந்திடவோ காலிரண்டால் ஆகவில்லை!
    செம்பவள வாயழகி உன்னெழிலோ!
    சின்ன இரு கண்களுக்குள் அடங்கவில்லை!
    அம்பளவு விழியாலே உன்னை என்றும்
    அடிபணியும் ஆசைக்கோர் அளவுமில்லை!   (கற்பூர)

பெண்  காற்றாகி கனவாகிக் கடலாகினாய்!
    கயிறாகி உயிராகி உடலாகினாய்!
    நேற்றாகி இன்றாகி நாளாகினாய்!
    நிலமாகி பயிராகி உணவாகினாய்!
    தோற்றாலும் ஜெயித்தாலும் வாழ்வாகினாய்!
    தொழுதாலும் அழுதாலும் வடிவாகினாய்!
    போற்றாத நாளில்லை தாயே உன்னை!
    பொருளோடும் புகழோடும் வைப்பாய் என்னை!   (கற்பூர)

========================================================================

பெண்  முத்துமாரி அம்மனுக்கு திருநாளாம்
    முகத்தழகைக் காணவரும் ஒரு நாளாம்
    சித்திரைப் பூ மாலையிலே தோரணமாம் - அவள்
    சிங்காரத் தேரில் வர ஊர்வலமாம் (முத்து)

பெண்  பாலோடு பன்னீரும் அபிஷேகமாம் - அவள்
    பொன்மேனி மலர்களிலே அலங்காரமாம்
    மங்கலக் குங்குமத்தில் திலகமாம் - அவள்
    மஞ்சள் நிற ஆடை கட்டி வந்திடுவாளாம் (முத்து)

பெண்  திரிசூலம் கையில் கொண்ட திரிசூலியாம் - அவள்
    திக்கெட்டும் காத்து வரும் காளியம்மனாம்
    கற்பூரச் சுடரினிலே சிரித்திடு வாளாம் - அவள்
    தீராத நோயெல்லாம் தீர்த்திடுவாளாம் (முத்து)

பெண்  சர்க்கரையில் பொங்கலிட மகிழ்ந்திடுவாளாம்
    நெய் விளக்கேற்றி வணங்கிடவே வரம் தருவாளாம்
    முழங்கி வரும் முரசங்களை கேட்டிடுவாளாம் - அவள்
    முன்னின்றே நல்லருளைத் தந்திடுவாளாம் (முத்து)

========================================================================

பெண்  கண்ணபுர நாயகியே மாரியம்மா - நாங்க
    கரகமேந்தி ஆட வந்தோம் பாருமம்மா
    கண் திறந்து பார்த்தாலே போதுமம்மா - எங்க
    கவலை எல்லாம் மனச விட்டு நீங்குமம்மா (கண்ணபுர)

பெண்  உத்தமியே உன் அருளை நாடி வந்தோம்
    பம்பை உடுக்கையோடு உன் மகிமை பாடி வந்தோம்
    பச்சிலையில் தேரெடுத்து வரவேண்டும் - உன்
    பக்தருக்கு வேண்டும் வரம் தரவேண்டும் (கண்ணபுர)

பெண்  வேப்பிலையால் நோயெல்லாம் தீர்த்திடுவாய்
    மனவேதனையை திருநீற்றால் மாற்றிடுவாய்
    காப்பாற்ற சூலம் அதை எந்திடுவாய் - தினம்
    கற்பூர ஜோதியிலே வாழ்ந்திடுவாய்  (கண்ணபுர)

பெண்  மலையேறும்தாய் உனக்கு கும்பமிட்டோம்
    அரிசி மாவிளக்கு ஏற்றி வைத்து பொங்கலிட்டோம்
    உலகாளப் பிறந்தவளே அருள் தருவாய் - எங்க
    வீடெல்லாம் பால் பொங்க வரம் தருவாய் (கண்ணபுர)

========================================================================

பெண்  ஈஸ்வரியே மகமாயி மாரியம்மா - நாங்க
    எண்ணி வந்த வரம் கொடுக்க வாருமம்மா
    ஆயிரம் கண் படைச்சவளே பாரம்மா - இங்கு
    உன்னை அன்றி வேறு கதி ஏதம்மா (ஈஸ்வரி)

பெண்  சமயபுரம் சன்னதியின் வாசலிலே
    லோக சங்கரியே உருகி நின்றோம் பூஜையிலே
    கருணை உள்ள தெய்வமாக நீ இருப்பாய்
    நாங்க கொண்டாட வந்ததற்கும் பலன் கொடுப்பாய் (ஈஸ்வரி)

பெண்  வேண்டுவோர்க்கு வாழ்வெல்லாம் நலம் தருவாய்
    சிங்க வாகனத்தில் சக்தியாக வலம் வருவாய்
    ஊர் வாழ மழையாக வடிவெடுப்பாய் - இந்த
    உலகத்துக்கே உன் அருளால் குடை பிடிப்பாய் (ஈஸ்வரி)

பெண்  வடவேட்டு எல்லையிலே குடி இருப்பாய்
    நல்ல பத்தினிகள் மஞ்சளுக்கு துணை இருப்பாய்
    மங்களங்கள் பெருக வேணும் சக்தியிலே - அதை
    குங்கமமாய் தரவேணும் நெத்தியிலேல (ஈஸ்வரி)

========================================================================

பெண்  ஆடும் கரகம் எடுத்து ஆடி வருவோம்
    அம்பிகையே உன் புகழை பாடி வருவோம்
    ஆடியிலே பூஜை வைத்து அடி பணிவோம்
    ஆலயத்தின் வாசலிலே கூடி மகிழ்வோம்
    பூலோக மாரி உனக்கு மாலையிடுவோம்
    தங்க கரகம் எடுத்து ஆடிவருவோம்
    வீரபத்ரகாளி உனக்கு பொங்கல் இடுவோம் (பூவால்)

பெண்  சமயபுரம் சக்தி உன்னை போற்றி வருவோம்
    சந்தன கரகம் எடுத்து ஆடி வருவோம்
    வேதபுரம் தேவி உன்னை தேடி வருவோம்
    வேப்பிலை கரகம் எடுத்து வணங்கி வருவோம் (பூவால்)
    வெள்ளி கரகம் எடுத்து ஆடி வருவோம் எங்க
    கண்ணபுரம் சூலி உந்தன் அருள் பெறுவோம்
    நார்த்த மலை அன்னை உன்னை நாடி வருவோம் - நல்ல
    நன்மையெல்லாம் கூடி வர நலம் பெறுவோம் (பூவால்)

========================================================================
பெண்  ஆடிவெள்ளிக் கிழமையன்று
    அம்மனுக்கு மஞ்சள் காப்பு
    ஆதி சக்தி கருமாரி அம்மனுக்கு
    அழகிய மஞ்சள் காப்பு அழகிய மஞ்சள் காப்பு
    கூடி அவளைக் கம்பிடுவோர்க்கு கோடி நன்மைகள் பாடு
    ஆடியில் அவளை கொண்டாடி ஆயிரம் நாமங்கள் கூறு (ஆடி)

பெண்  வேற்காட்டில் கடியிருக்கும் வேப்பிலைக்காரி
    கூவும் அன்பர் குறைதீர்க்கம் கோவிந்த மாரி
    தாரணியின் தாயவளே நாரணி ஓங்காரி
    பாரெல்லாம் படியளக்கம் பரமசிவன் பாரி  (ஆடி)

பெண்  குங்குமத்தில் குளித்து நிற்பாள் குங்குமக்காரி
    மஞ்சளுடன் நிறைந்திருப்பாள் மங்களமாரி
    நெஞ்சார துதித்து நின்றால் அணைத்திடுவாள் வாரீர்
    அன்னைபோலக் காத்திடுவாள் ஆனந்த சுகுமாரி (ஆடி)

========================================================================

பெண்  சிவப்பு சேலை கட்டிகிட்டு வேப்பிலையும் எடுத்துக்கிட்டு
    வேற்காட்டு கருமாரி ஆடி வந்தாளாம் - அவள்
    விருப்புடனே தொழுபவரின் வினைகளையே ஓடவைத்து
    பொறுப்புடனே நம்மைக் காக்க ஆடி வந்தாளாம்
    மாரியம்மா... மாரியம்மா (செவப்பு)

பெண்  சிறப்புடனே பவனி வந்து சிந்தையிலே குடிபுகுந்து
    கருணை உள்ளம் கொண்டு நம்மைக் காக்க வந்தாளாம்
    அவள் மரகத்தில் திலகமிட்டு மரிக்கொழுந்த மலரெடுத்து
    சிரசினிலே சூடிக் கொண்டு பவனி வந்தாளம் (செவப்பு)

பெண்  உன்வேப்பிலையும் திருநீரும் வேண்டியதைத் தந்திடுமே அம்மா
    காப்பது உன் திரிசூலம் கவலையாவும் தீருமே அம்மா
    மாபெரும் பக்தர்கள் கூட்டம் உன் சன்னதியில் கூடிடுமே அம்மா
    ஆபத்தில்  உதவிட உன் ஆயிரம் கைகள்
    எங்களை அணைத்திடுமே அம்மா
    தொட்டியங்குளம் தன்னில் வாழும் எங்கள் மகமாயி
    மட்டில்லாத பாசம் கொண்ட எங்க மகமாயி
    சட்டியிலே நெருப் பெடுத்து சதிராடும் மாரி
    கட்டிக் காக்கும் அன்னை போல காத்திடுவாள் மாரி (செவப்பு)

========================================================================

    நோயற்ற வாழ்வு குறையற்ற செல்வமும்
    நூற்றாண்டு புகழும் தூற்றாத மனமும்
    நேயர்கள் பெற்றுள்ள தாயே எங்கள் கருமாரி
    நீயே அருள்புரிவாய் நிமலியே ஈசன் கமலியே தேவி (கரு)

பெண்  காலத்தின் அருளம்மா கருமாரி அம்மா
    கைதொழும் அன்பர்கள் மெய்புகழ் எய்திட
    மூலப் பொருளாக ஞானம் கனியவரும்
    மோகன தெய்வமே ஆவன தேவியே (காலத்)

பெண்  மின்னும் கதிரொளி உன் மேனியின் உதயமம்மா
    மலரும் தாமரையில் தெரியும் உன் இதயமம்மா
    உன்னருள் நலத்தாலே உயிர் வாழ்வேன் அம்மா
    உமயவளே இமயவள் திருமகளே தாயே

========================================================================
பெண்  வேப்ப மரத்தடியில் வீற்றிருக்கும் மாரியம்மா
    கேட்ட வரம் அளிப்பாள் கிராமத்து காளியம்மா
    மஞ்சளிலே குளித்திருப்பாள் குங்குமத்தில் சிரித்திருப்பாள்
    நெஞ்சில் நிறைஞ்சிருப்பா நீலி மகமாயி அம்மா
    ஆனந்த ஞான ரதம் ஏறிவந்தாள் மாரி
    ஆடிடுவோம் பாடிடுவோம் ஆலயத்தில் கூடி
    அம்மன் புகழ்பாடி எங்கள் அம்மன் புகழ்பாடி
    ஆவணியில் அவதரிச்சா காளி மகமாயி
    வேலப்பன் சாவடியில் வேற்காட்டு மாரி
    பாம்பாக உருவெடுத்தா பார்வதியாம் தேவி
    பவுர்ணமியில் பால் நிலவில் படமெடுத்து ஆடி (ஆனந்த)

பெண்  வேலாயுதத் தீர்த்தம் அது நோயாளியை தேத்தும்
    வேப்பிலையின் வாசம் பல வியாதிகளை ஓட்டும்
    எலுமிச்சம் பழத்தினிலே இருக்கும் மகமாயி
    எமனுக்கும் எமனாவாள் எங்கள் கருமாரி

பெண்  ஆயிரம் கண் அம்பிகையின் ஆராதனை பாரு
    ஆலால சுந்தரியின் கோலாகலம் ஜோரு
    அங்காள பரமேஸ்வரி சங்க நாதம் கேளு
    ஆலயம்மன் கோவிலிலே காவடி நீ ஆடு (ஆனந்த)

========================================================================

பெண்  தெய்வத்தின் தெய்வம் எங்கள் வேற்காட்டு மாரி
    தெவிட்டாத தீந்தமிழ் பாடிடுவோம் வாருர்
    வேண்டுவதைக் கொடுத்திடுவாய் வேதவல்லி மாரி
    கோமதியே சங்கரியே குணவதியே மகமாயி (தெய்வ)
    கருமை நிறம் கொண்டவளே கரத்தாயி கருமாரி
    கண்ணாயிரம் கொண்டவளே கண்கண்ட கருமாரி
    ஓயாமல் நின் நாமம் உரைக்கின்ற உன் மக்கள்
    மாறாத நின் புகழை பாடிவாரேன் அருள் மாரி (தெய்வ)
    கல்லாக இருந்தாலும் கருணை உள்ளம் கொண்டவள் நீ
    காணவரும் பக்தருக்கு காட்சி தரும் தேவி நீ
    காலன்வட உனைக்கண்ட கால்தவறி சென்றிடுவான்
    காத்தாயி கருமாரி மகமாயி மாகாளி  (தெய்வ)

========================================================================

பெண்  மகமாயி மனசுவச்சா மங்களமாய் வாழ வைப்பான்
    ஈஸ்வரியால் இரக்கம் கொண்டு எல்லோர்க்கும் வாழ்வளிப்பாள்
    அந்த கருமாரி கண்பார்த்து காலமெல்லாம் காத்தருள்வாள்
    அந்த கருமாரி கண்பார்த்து காலமெல்லாம் காத்தருள்வாள்
    கருமாரி கருணையினால் கவலை பறக்குது - அவள்
    கண் திறந்து பார்ப்பதினால் செல்வம் பெருகுது
    எந்நேரம் அவள் நாமம் உரைத்தாலே
    எந்த துன்பம் வந்தாலும் சென்று மறையுது (கருமாரி)

பெண்  ஓம்சக்தி சொல்லுக்குள்ளே உறைந்திருப்பாளாம்
    உலகையெல்லாம் காத்து என்றும் அருள் புரிவாளாம்
    உயிருக்குள் உயிரை வைத்து காத்து நிற்பாளாம்
    வாழ்வுக்கு வளமை எல்லாம் தந்திடுவாளாம் (கருமாரி)

பெண்  நெருப்பெல்லாம் அவள்முன்னே பூவாக மாறும்
    நெஞ்சுருக பாடிச்சென்றால் அவள்  அருள்மழை பொழியும்
    சூலமும் சக்தியும் அவள் கரத்தில் ஜொலிக்கம்
    சுற்றும் பகைநீக்கி அவை நம்மை வந்து காக்கும் (கருமாரி)

========================================================================

பெண்  புன்னை நல்லூர் மாரியம்மா
    புவனம் போற்றும் தேவியம்மா
    கண் திறந்து எங்களையே
    கொஞ்சம் நீயும் பாருமம்மா (புன்னை)

பெண்  அன்புடனே ஆடிவரும் ஆத்தாளே பாளையத்தம்மா
    கண்ணிமை போல் காப்பவளே கண்ணபுரம் காளியம்மா
    உடுக்கையிலே இந்த உலகமெல்லாம்
         ஒரு நொடியினிலே படைத்தவளே
    ஓங்காரி உன் தங்கக்கையால் திரிசூலம் தனை எடுத்தவளே
    அம்மா படவேட்டில் திருக்கோவில் கொண்டு
    அடியவர்க்கே அருள் கொடுப்பவளே
    பம்பையும் மேளமும் முழங்கி
    பவனி வந்திடும் மஞ்சள் முகத்தாளே (புன்னை)

பெண்  பொன்னாத்தா முண்டகக் கன்னி சமயபுரத்தா மகமாயி
    உன்னைத்தான் நம்பி வந்தோம் சின்னாத்தா வெக்காளி
    தண்டை சிலம்பு கொஞ்சிடவே ஆடி வரும் பன்னாரி
    தென்காளி எல்லம்மா கங்கையம்மா தில்லைக்காளி
    மருவத்தூரில்கோவில் கொண்டு மகிமை எல்லாம் புரிந்தவளே
    திருவாச்சூரில் மதுரகாளியாய் மலையின் மீது நின்றவளே
    மேல்மலையனூரிலே வாழும் எங்கள் அங்காளம்மா திரிசூலி
    திருமயிலையிலே களி நர்த்தனமாடும்
         ஆனந்த தாண்டவ மாகாளி (புன்னை)

========================================================================

பெண்  மகமாயி சமயபுத்தாயே - உன்
    மகளெனக்கு எல்லாமும் நியே
    கொள்ளிடத்தின் கரைமேலே உன் கோவில்
    தரும் குங்குமத்தான் மங்கையர்க்கு காவல் (மகமாயி)

பெண்  கண்கொடுக்கும் கண்ணபுர தேவி
    அருள் தருவாள் இமயமலைச் செல்வி
    மூவிலை வேல் கைகொண்ட காளி
    பகை முடிக்க வந்த எங்கள் முத்துமாரி (மகமாயி)

பெண்  வேப்பமரம் நிழல் கொடுக்கும் வீடு - அது
    வினைதீர்க்க நீ அமைந்த கூடு
    திருநீறே அம்மா உன் மருந்து - அதை
    அணிந்தாலே நோய் ஓடும் பறந்து

பெண்  பெற்றவளே நீ அறிவாய் என்னை உன்
    பேரருளால் வளர்ந்த இந்தப் பெண்ணை
    கற்றகலை சிறு துளியே எனக்கு - அதை
    கடலாக்கி வைத்த புகழ் உனக்கு (மகமாயி)

========================================================================

ரக்ஷ ரக்ஷ ஜகன்மாதா சர்வ சக்தி ஜெய துர்கா
ரக்ஷ ரக்ஷ ஜகன்மாதா சர்வ சக்தி ஜெய துர்கா

மங்கள வாரம் சொல்லிட வேண்டும், மங்கள கன்னிகை ஸ்லோகம்;
இதை ஒன்பது வாரம் சொல்லுவதாலே உமையவள் திருவருள் சேரும் ( ரக்ஷ ரக்ஷ )

படைப்பவள் அவளே காப்பவள் அவளே அழிப்பவள் அவளே சக்தி,
அபயம் என்று அவளை சரண் புகுந்தாலே அடைக்கலம் அவளே சக்தி,
ஜய ஜய சங்கரி கௌரி மனோகரி, அபயம் அளிப்பவள் அம்பிகை பைரவி,
சிவ சிவ சங்கரி சக்திமஹேஸ்வரி,
திருவருள் தருவாள் தேவி
திருவருள் தருவாள் தேவி (ரக்ஷ ரக்ஷ )

கருணையில் கங்கை, கண்ணனின் தங்கை கடைக்கண் திறந்தால் போதும்,
வல்வினை ஓடும், பலவினை ஓடும் அருள் மழை பொழிபவள் நாளும்,
நீலநிறத்தோடு ஞாலம் அளித்தவள், காளி எனத் திரிசூலம் எடுத்தவள்,
பக்தருக்கெல்லாம் பாதை கொடுத்தவள்,
நாமம் சொன்னால் நன்மை தருபவள்
நாமம் சொன்னால் நன்மை தருபவள் (ரக்ஷ ரக்ஷ )

========================================================================

மாணிக்க வீணை ஏந்தும் மாதேவி கலைவாணி
தேன் தமிழ் சொல்லெடுத்து பாட வந்தோம்
அம்மா பாட வந்தோம்
அருள்வாய் நீ இசை தர வா நீ
இங்கு வருவாய் நீ லயம் தரும் வேணி அம்மா

மாணிக்க வீணை ஏந்தும் மாதேவி கலைவாணி
தேன் தமிழ் சொல்லெடுத்து பாட வந்தோம்
அம்மா பாட வந்தோம்

நாமணக்க பாடி நின்றால் ஞானம் வளர்ப்பாய்
பூமணக்க பூஜை செய்தால் பூவை நீ மகிழ்வாய்
மாணிக்க வீணை ஏந்தும் மாதேவி கலைவாணி
தேன் தமிழ் சொல்லெடுத்து பாட வந்தோம்
அம்மா பாட வந்தோம்

வெள்ளைத் தாமரையில் வீற்றிருப்பாய்
எங்கள் உள்ளக் கோவிலிலே உறைந்து நிற்பாய்
வெள்ளைத் தாமரையில் வீற்றிருப்பாய்
எங்கள் உள்ளக் கோவிலிலே உறைந்து நிற்பாய்
கள்ளமில்லாமல் தொழும் அன்பருக்கே என்றும்
அள்ளி அறிவைத் தரும் அன்னையும் நீ

வாணி சரஸ்வதி மாதவி பாரதி வாகதீஸ்வரி மாலினி
காணும் பொருளில் தோன்றும் கலைமணி
வேண்டும் வரம் தரும் வேணி
நான்முகன் நாயகி மோகனரூபிணி
நான்மறை போற்றும் தேவி நீ
வானவர்க்கமுதே தேனருள் சிந்தும்
கான மனோகரி கல்யாணி

அருள்வாய் நீ இசை தர வா நீ
இங்கு வருவாய் நீ லயம் தரும் வேணி அம்மா

மாணிக்க வீணை ஏந்தும் மாதேவி கலைவாணி
தேன் தமிழ் சொல்லெடுத்து பாட வந்தோம்
அம்மா பாட வந்தோம்

========================================================================

கலைவாணி நின் கருணை தேன் மழையே
விளையாடும் என் நாவில் செந்தமிழே
(கலைவாணி)

அலங்கார தேவதையே வனிதாமணி
இசைக்கலையாவும் தந்தருள்வாய் கலைமாமணி
(கலைவாணி)

மரகத வளைக்கரங்கள் மாணிக்க வீணை தாங்கும்
அருள் ஞானகரம் ஒன்றில் ஜெபமாலை விளங்கும்
ஸ்ருதியோடு லய பாவ ஸ்வரராக ஞானம்
சரஸ்வதி மாதா உன் வீணையில் எழும் நாதம்
(கலைவாணி)

வீணையில் எழும் நாதம் தேவி உன் சுப்ரபாதம்
வேணுவில் வரும் கானம் வாணி உன் சக்ரபாதம்
வானகம் வையகம் உன் புகழ் பாடும்
வேண்டினேன் உன்னைப் பாட தருவாய் சங்கீதம்
(கலைவாணி)

========================================================================

ஜெய ஜெய தேவி ஜெய ஜெய தேவி துர்கா தேவி சரணம்
ஜெய ஜெய தேவி ஜெய ஜெய தேவி துர்கா தேவி சரணம்(ஜெய)

துர்க்கை அம்மனை துதித்தால் என்றும்
துன்பம் பறந்தோடும்
தர்மம் காக்கும் தாயும் அவளை
தரிசனம் கண்டால் போதும்
கர்ம வினைகளும் ஓடும்
சர்வ மங்களம் கூடும்(ஜெய )

பொற் கரங்கள் பதினெட்டும்
நம்மை சுற்றி வரும் பகை விரட்டும்
நெற்றியிலே குங்கும பொட்டும்
வெற்றி பாதையை காட்டும்
ஆயிரம் கரங்கள் உடையவளே
ஆதிசக்தி அவள் பெரியவளே
ஆயிரம் நாமங்கள் கொண்டவளே
தாய்போல் நம்மை காப்பவளே (ஜெய)

சங்கு சக்கரம் வில்லும் அம்பும்
மின்னும் வாளும் வேலுடன் சூலமும்
தங்கக் கைகளில் ஏந்தி நிற்பாள் அம்மாதா...
சிங்கத்தின் மேல் அவள் வீற்றிருப்பாள்
திங்களை முடி மேல் சூடி நின்றாள்
மங்கள வாழ்வும் தந்திடுவாள்
மங்கையர்க்கரசியும் அவளே
அங்கயற்கண்ணியும் அவளே (ஜெய..)

========================================================================

ஆதிலட்சுமி தேவிக்கு அழகாய் விளக்கேற்றி
பஞ்சுத் திரி போட்டு பசும் நெய் தனை ஊற்றி
குங்குமத்தில் பொட்டிட்டு கோல மஞ்சள் தானும் இட்டு
பூமாலை சூட்டி வைத்து பூசிப்போம் உன்னை.....திருமகளே.....

திருவிளக்கை ஏற்றி வைத்தோம் திருமகளே வருக!
குலம் விளங்க எங்கள் வீட்டில் கொலுவிருக்க வருக!
அலைமகளே வருக, ஐச்வர்யம் தருக!
அலைமகளே வருக, ஐச்வர்யம் தருக!
(திருவிளக்கை)

வாசலிலே மாக்கோலம், வீட்டினிலே லட்சுமீகரம்
நெற்றியிலே திருசூர்ணம், நெஞ்சினிலே லட்சுமீகரம்
அம்மா நீ ஆதரித்தால் அகிலமெல்லாம் இன்ப மயம்
அட்டமா சித்தியுடன் லோகமெல்லாம் சேம மயம்
அலைமகளே வருக, ஐச்வர்யம் தருக!!
அலைமகளே வருக, ஐச்வர்யம் தருக!!

மாவிலையும் தோரணமும் மங்கலத்தின் அடையாளம்
ஊதுவத்தி எரிவதினால் உள்ளத்திலும் ஒரு வாசம்
அம்மா நீ அருள் புரிந்தால் அகிலமெல்லாம் அலங்காரம்
அன்றாடம் பாடிடுவோம் அட்டலட்சுமி திருநாமம்!
அன்றாடம் பாடிடுவோம் அட்டலட்சுமி திருநாமம்!

சங்கு சக்ரதாரி நம'ஸ்'காரம்..
சகல வரம் தருவாய் நம'ஸ்'காரம்..
பத்மபீட தேவி நம'ஸ்'காரம்..
பக்தர் தமைக் காப்பாய் நம'ஸ்'காரம்..

========================================================================

தாமரைபூவில் அமர்ந்தவளே - செந் (தாமரைபூவில்)
செந்தூரத் திலகம் அணிந்தவளே – செந்
(தாமரைபூவில்)
சிந்தையில் நின்றாடும் நாரணன் நெஞ்சினில்
நிறைந்தவளே கருணையில் சிறந்தவளே - செந்
(தாமரைபூவில்)

சுந்தரி பார்வதி பாமகளும்
சொந்தமுடன் நினைக்கும் பூமகளே
உன் பாதம் எந் நாளும் தஞ்சம் திருமகளே
அன்பர்களைக் காத்திடும் அலைமகளே – செந்
(தாமரைபூவில்)

அலைகடலில் உதித்த ஆதிலக்ஷ்மி தாயே
அமரர்கள் துதிபாடும் அமுதமும் நீயே
செல்வங்கள் பெருகும் உந்தன் திருவருள் துணையாலே
உலகமெல்லாம் உயரும் உன்னருள் மனத்தாலே
(தாமரைபூவில்)

========================================================================

ஆயிரம் இதழ் கொண்ட தாமரைப் பூ எங்கள் தேவி முகம்
அந்த ஆதிசக்தி கருமாரி ஆலயம் வாழ்வு தரும்
மங்கைய ரெல்லாம் போற்றி வணங்கும் மங்கலச் செல்வம்
அதைக் குங்குமத்தாலே அள்ளிக் கொடுக்கும் கலியுக தெய்வம்

(ஆயிரம்)

ஆனி மறைந்து ஆடி பிறந்ததும் கண் மலரும்
கருமாரியம்மனின் அருள் மழையாலே மண்குளிரும்
முன்னை வினைகளை ஓடிடச் செய்யும் அன்னையின் தீர்ப்பு
அவள் முத்துக் கரங்களில் சூட்டி மகிழ்வோம் சந்தனக் காப்பு

(ஆயிரம்)

நதியாய்ப் பாயும் பன்னீராலே அபிஷேகம்
தினம் நாற்பது கோடி நறுமலராலே அலங்காரம்
தங்க ரதத்தில் அம்மன் அமர்ந்து ஊர்கோலம்
அவள் தரிசனம் கண்டு துதிப்பவர்க்கெல்லாம் நலம் சேரும்

========================================================================

காட்சி தந்து என்னை ஆட்சி செய்வாய் அம்மா
கல்யாணியே கற்பகமே அற்புத (காட்சி)

மாட்சியெல்லாம் வாழ்வில் சேர்ந்திடக் கனிவுடன்
மன்றிலே நின்று ஆடும் அம்பலவாணருடன் (காட்சி)

அங்கம் ஒரு பாகமாய் அமைந்த என் தாயே
ஆனந்த மாமலையில் தேமதுரக் கனியே
மங்கலக் குங்குமத்தில் மகிழ்ந்திடும் அம்மையே
மரகத மயில் உருவத் தேவியே தவத்திரு (காட்சி)

========================================================================

ஆதி பரமேஸ்வரியின் ஆலயமே வேற்காடு
ஆதி பரமேஸ்வரியின் ஆலயமே வேற்காடு
அன்னையவள் திருப்புகழை தினம் நீ பாடு (ஆதி

குங்குமத்தில் கோவில்கொண்டு தெய்வமாய் குடியிருப்பாள்
மங்கையர்க்கு திலகமிட்டு அன்னையாய் துணையிருப்பாள்
மங்கலமே வடிவெடுத்து மாதரசி வீற்றிருப்பாள்
மங்காத நிலவாக எந்நாளும் ஒளி கொடுப்பாள்
எந்நாளும் ஒளி கொடுப்பாள்

அன்னையிடம் நாகம் பக்தியுடன் குடை பிடிக்கும்
அபிஷேகம் பால் மழையில் தேவி அவள் மனம் களிக்கும்
அன்னையிடம் நாகம் பக்தியுடன் குடை பிடிக்கும்
அபிஷேகம் பால் மழையில் தேவி அவள் மனம் களிக்கம்

நம்பிவரும் எல்லோர்க்கும் நல்ல தொரு வழி பிறக்கும்
நாயகி திருவருளே பொன்னான வாழ்வளிக்கும் (ஆதி

வேற்காடு திருத்தலமே வந்தவர்ககு புகழ் கொடுக்கும்
வெற்றிதரும் திருச்சாம்பல் கொண்டவர்க்கு பலன் கிடைக்கும்
கருமாரி திருப்பதமே வேண்டிவந்தால் வரம் கொடும்
கற்பூர ஜோதியிலே எந்நாளும் அருள் கிடைக்கும்
எந்நாளும் அருள் கிடைக்கும் (ஆதி

========================================================================

கனியமுதே கருணைக் கடலே, துணை நீயே,
சுந்தரேசர் மகிழும்... மயிலே
கதம்ப...வனக்குயிலே
மாதவர் போற்றும் எழிலே
பதமலர் தனை பணிந்தோமே, அங்கயர்க்கண்ணியே

கொண்டைமுடி அலங்கரித்து
கொஞ்சும் கிளி கையில் வைத்து
கொண்டைமுடி அலங்கரித்து
கொஞ்சும் கிளி கையில் வைத்து
அஞ்சுக மொழி உமையாள் வீற்றிருந்தாள்
அந்த அழகிய மாநகர் மதுரையிலே......மதுரையிலே
மதுரையிலே......மதுரையிலே

வான்மதி சூடிய கணவர் சொக்கேசருடன்
மாணிக்க தேரினில் மரகதப்பாவை வந்தாள்
வான்மதி சூடிய கணவர் சொக்கேசருடன்
வைரமுடி மின்னிட மரகத பாவை வந்தாள்
வானவர் பூமாரி பொழிந்திடவே
சிவ கானமும் ஒலித்திட தேவி வந்தாள்
மீனாட்சி வந்தாள் (அந்த அழகிய மாநகர் மதுரையிலே...)

தேனமர் சோலையாம் கதம்பவனம்
அங்கு வானளாவும் தங்க கோபுரம் எங்கும் காணும்
தேன்தமிழ் பாவலரின் தேனான கானம்
தேன்தமிழ் பாவலரின் தேனான கானம்
ஆனந்த வெள்ளம் பெருகும் மீனாக்ஷி சன்னிதானம்
ஆனந்த வெள்ளம் பெருகும் மீனாக்ஷி சன்னிதானம் (அந்த அழகிய மாநகர் மதுரையிலே...)        

ஆதிலட்சுமி தேவிக்கு அழகாய் விளக்கேற்றி
பஞ்சுத் திரி போட்டு பசும் நெய் தனை ஊற்றி
குங்குமத்தில் பொட்டிட்டு கோல மஞ்சள் தானும் இட்டு
பூமாலை சூட்டி வைத்து பூசிப்போம் உன்னை.....திருமகளே.....

திருவிளக்கை ஏற்றி வைத்தோம் திருமகளே வருக!
குலம் விளங்க எங்கள் வீட்டில் கொலுவிருக்க வருக!
அலைமகளே வருக, ஐச்வர்யம் தருக!
அலைமகளே வருக, ஐச்வர்யம் தருக!
(திருவிளக்கை)

வாசலிலே மாக்கோலம், வீட்டினிலே லட்சுமீகரம்
நெற்றியிலே திருசூர்ணம், நெஞ்சினிலே லட்சுமீகரம்
அம்மா நீ ஆதரித்தால் அகிலமெல்லாம் இன்ப மயம்
அட்டமா சித்தியுடன் லோகமெல்லாம் சேம மயம்
அலைமகளே வருக, ஐச்வர்யம் தருக!!
அலைமகளே வருக, ஐச்வர்யம் தருக!!

மாவிலையும் தோரணமும் மங்கலத்தின் அடையாளம்
ஊதுவத்தி எரிவதினால் உள்ளத்திலும் ஒரு வாசம்
அம்மா நீ அருள் புரிந்தால் அகிலமெல்லாம் அலங்காரம்
அன்றாடம் பாடிடுவோம் அட்டலட்சுமி திருநாமம்!
அன்றாடம் பாடிடுவோம் அட்டலட்சுமி திருநாமம்!

சங்கு சக்ரதாரி நம'ஸ்'காரம்..
சகல வரம் தருவாய் நம'ஸ்'காரம்..
பத்மபீட தேவி நம'ஸ்'காரம்..
பக்தர் தமைக் காப்பாய் நம'ஸ்'காரம்..

காட்சி தந்து என்னை ஆட்சி செய்வாய் அம்மா
கல்யாணியே கற்பகமே அற்புத (காட்சி)

மாட்சியெல்லாம் வாழ்வில் சேர்ந்திடக் கனிவுடன்
மன்றிலே நின்று ஆடும் அம்பலவாணருடன் (காட்சி)

அங்கம் ஒரு பாகமாய் அமைந்த என் தாயே
ஆனந்த மாமலையில் தேமதுரக் கனியே
மங்கலக் குங்குமத்தில் மகிழ்ந்திடும் அம்மையே
மரகத மயில் உருவத் தேவியே தவத்திரு (காட்சி)

கனியமுதே கருணைக் கடலே, துணை நீயே,
சுந்தரேசர் மகிழும்... மயிலே
கதம்ப...வனக்குயிலே
மாதவர் போற்றும் எழிலே
பதமலர் தனை பணிந்தோமே, அங்கயர்க்கண்ணியே

கொண்டைமுடி அலங்கரித்து
கொஞ்சும் கிளி கையில் வைத்து
கொண்டைமுடி அலங்கரித்து
கொஞ்சும் கிளி கையில் வைத்து
அஞ்சுக மொழி உமையாள் வீற்றிருந்தாள்
அந்த அழகிய மாநகர் மதுரையிலே......மதுரையிலே
மதுரையிலே......மதுரையிலே

வான்மதி சூடிய கணவர் சொக்கேசருடன்
மாணிக்க தேரினில் மரகதப்பாவை வந்தாள்
வான்மதி சூடிய கணவர் சொக்கேசருடன்
வைரமுடி மின்னிட மரகத பாவை வந்தாள்
வானவர் பூமாரி பொழிந்திடவே
சிவ கானமும் ஒலித்திட தேவி வந்தாள்
மீனாட்சி வந்தாள் (அந்த அழகிய மாநகர் மதுரையிலே...)

தேனமர் சோலையாம் கதம்பவனம்
அங்கு வானளாவும் தங்க கோபுரம் எங்கும் காணும்
தேன்தமிழ் பாவலரின் தேனான கானம்
தேன்தமிழ் பாவலரின் தேனான கானம்
ஆனந்த வெள்ளம் பெருகும் மீனாக்ஷி சன்னிதானம்
ஆனந்த வெள்ளம் பெருகும் மீனாக்ஷி சன்னிதானம் (அந்த அழகிய மாநகர் மதுரையிலே...)